புதிதாய் முளைத்த (க)விதைகள்
எண்ணிலவாய் இங்கே
இயங்குந் துறைபலவுள்
பெண்ணிலதாய் ஏதுளது பேசுதற்கு? –--- மண்ணில்
சரிநிகராய் ஆணுக்குச்
சற்றும் குறையா
உரிமையுடன் வாழ்தல் உவப்பு.
இருவிகற்ப நேரிசை வெண்பா 16.2.2023
காதல் உளங்கொள் உயர்நிலை அன்பு/
அன்பு உயிர்க்குணம் அதுவா உடற்பசி?
உடற்பசி பருவ உணர்வெனும் காமம்/
காமம் வேறு வேறது காதலே.
ஒழுகிசை நிலைமண்டில ஆசிரியப்பா. முதற்சீரும் இறுதிச்சீரும் ஒன்றிய
4 வரி அந்தாதி.