மண்ணைப் பொன்னாக்கும் வித்தகன்

 உறவாடிச் சேற்றோ(டு) உழுது நட்டு

மறவாது மடைநீர் மாற்றி வேண்டும்

உரமிட்டுப் பொன்னாக மிளிரும் செந்நெல்

முளைத்தது மண்ணின் ஈரத் தாலே

விளைத்தது உழவன் மேனியின் ஈரமே. 

முகநூல் அமெரிக்கா முத்தமிழ் இலக்கியப் பேரவை

நிலைமண்டில ஆசிரியப்பா 13.3.2025                                                            

தோள் கொடுக்கும் தோழமை

 

பகிர்ந்து துயரினைப் பாதியாய்க் குறைத்தலும் 

மகிழ்வினை இரண்டு மடங்கென ஆக்கலும 

தோளொடு நின்று தோழமை செய்யுமே. 

 

முகநூல் அமெரிக்கா முத்தமிழ் இலக்கியப் பேரவை 

3 வரி. ஆசிரியத் தாழிசை 12 3. 2025    

நாகாக்க என்றும் நயந்து

 நாகாக்க என்றும் நயந்து.

 பொய்யால் புரட்டால் புறப்பேச்சால் புன்சொல்லால்

மெய்யாய் உளதெதுவும் மாறாதே --- செய்வானேன்?

நோகாக்க, சொல்லழுக்கால் நாக்கழுக, வேண்டுவதா?

           நாகாக்க என்றும் நயந்து

நிர்வாகம்

ஓர்ந்து உள்ள வளத்துக்கு 

உயர் பயன் அடைதல்.

தேர்ந்து பிறரைப் பயிற்றுவித்துப் 

பணி முடிக்கும் பணி.

தன்முனைக் கவிதை. 

வரிக்கு 2 அல்லது 3 சொற்கள். 4 வரிகள்.

2ஆவது வரி பொருள் முடிவு. பிற்பகுதி; ஒட்டியோ வெட்டியோ

அமையலாம்.

இசை

 காற்றில் வந்தது மது. 

இசை என்றார்கள். 

காதுதான் அருந்தியது.

 

மயங்கியது மனம்.

கவர்ந்திழுக்கும் நெல்மணிகள்

மண்தரு நெல்மணி மலிந்துள வயற்புறம்

உண்பதற் கங்குவந் துலவிடும் பறவைகள்

பொன்னிது உண்கிற பொருளிலை யோஎனக்

கண்கவர் கதிர்களைக் கண்டதில் மயங்கியே

விண்ணிலே வலம்பல வருநிலை யினவோ?

ஒழுகிசை நிலைமண்டில ஆசிரியப்பா. படக் காட்சிக்கு எழுதியது.

கண்ணதாசன்

 

கண்ண தாசன் கனித்தமிழ்க் கவிஞன்

கவிஞரில் அரசன் காவியம் படைத்தவன்

படைத்தவன் இடத்தில் பக்தியில் நிலைத்தவன்

நிலைத்தினும் நிற்பவன் கண்ண தாசனே.

முதற்சீரும் இறுதிச்சீரும் ஒன்றிய 4 வரி அந்தாதி   முகநூல் அமெரிக்கா முத்தமிழ் இலக்கியப் பேரவை 22.2.2025

ஒழுகிசை நிலைமண்டில ஆசிரியப்பா